HTC shet telefonë sa gjysma e numrit të shitjeve të Samsung

HTC ka shitur mbi 5 milion One telefona, sipas Wall Street Journal. Duke u nisur nga fakti që gjithmonë kur përmendet HTC One mendohet krahasimi i tij me Samsung Galaxy, pas deklarimit të shitjeve të Samsung edhe HTC jep shifrat.

Edhe pse ky numër tregon vetëm gjysmën e shifrës që ka shitur Samsung, prapseprap është dëshmi që kompania e HTC ka krijuar një telefon tepër të dobishëm.

Numri i shitjeve ka mundur të jetë edhe më i madh, mirëpo mënyra e ngadalshme e shpërndarjes së telefonave nëpër vendet e shitjes ka bërë të veten.