Amerikani kaloi Kanjonin e Madh të Kolorados nëpër tel

Amerikani Nik Wallenda ia ka dalë të hyjë në histori si njeriu i parë i cili duke ecur nëpër tel kaloi Kanjonin e Madh të Kolorados. 

Këtë udhë të pazakonshme ai e kaloi për 23 minuta, në temperatura të larta, pa pajime  sigurie dhe në lartësi 450 metra mbi lumin Kolorado e Vogël, në shtetin amerikan Arizona. 

Walente, një pasardhës i familjes së  Wallendes Fluturues, është njeriu i parë i cili kaloi mbi ujvaren e Niagarës  duke ecur mbi tel. Familja Wallende është me origjinë nga Austro-Hungaria e dikurshme, e njohur për zhonglerë, akrobatë, artistë në trapez dhe stërvitës i kafshëve.