Microsoft prezanton një opsion të ri që lehtëson kalimin e përdoruesve të Gmail në Outlook.com

Microsoft do t’a vlerësonte shumë në qoftë se përdoruesit do të hiqnin dorë nga Gmail dhe do të regjistroheshin në Outlook, prandaj ka lançuar një opsion të ri që e lehtëson shumë këtë kalim.

Ky mjet i ri i Outlook.com është dizajnuar në mënyrë të tillë që të lehtësojë ndryshimin e postës elektronike. Opsioni do të prezantohet në javët në vazhdim për të gjithë përdoruesit e Outlook (mbi 400 milion përdorues) si dhe ndaj përdoruesve aktualë të Gmail-it të cilëve do t’ju duhet vetëm një hap i shkurtër për t’u bërë pjesë e një poste të re elektronike.

Më tepër udhëzime për këtë opsion mund të gjeni në këtë link. Gjatë kalimit në Outlook do të realizohet fillimisht transferimi i e-mail-eve më të fundit dhe më pas do të mundësohet transferimi i pjesës tjetër.

Një kërkimi i Microsoft-it ka treguar se njerëzit janë më të prirur të ndryshojnë postat elektronike nëse ndryshimet midis tyre minimizohen. Kjo është mëse logjike. Në qoftë se Microsoft dëshiron të zbresë Gmail nga froni i vet atëherë duhet të punojë fillimisht për zvogëlimin e vlerës delta që ekziston midis largimit nga Google dhe kalimit në Outlook.

Outlook.com është një produkt i vlefshëm dhe superior ndaj paraardhësit të vet Hotmail. I pajisur me memorie pa limit ka mundur të rritet shumë shpejt, por njëkohësisht ka përfituar edhe nga baza e përdoruesve të Hotmail.