facebookgoogle plusrss feedmesazh

Interpretim i ëndrave AI

Interpretim i ëndrave AI
Ëndra jote ka mesazh

16 April 2013

Pijet të cilat nuk janë të shëndetshme

Sa më pak e më rrallë, aq më mirë: uji mineral i gazuar, pijet me kafeinë, pijet energjike, e madje edhe uji i aromatizuar, janë të mbushur me kalori të zbrazëta dhe janë armiq të linjës së trupit.
Më shumë se 30 kalori në ditë i konsumojmë me pije lë ndryshme, e derisa disa si çaji dhe kafeja mund të kenë efekte pozitive në shëndet, të tjerat janë të mbushura me përbërës të dëmshëm, aditivë dhe mjete për konservim, të cilat e dëmtojnë organizmin dhe shtojnë peshën, tërheqin vërejtjen ekspertët e dietave.

Një prej tyre është lëngu i popullarizuar i pemëve, i cili më së shpeshti përmban më shumë sheqer dhe aroma artificiale, sesa lëngu nga pemët e vërteta, ndërsa një gotë me lëng të tillë shpesh përmban më shumë kalori, sesa një porcion me ëmbëlsirë.

Pijet me kafeinë 
 Mund të përmbajnë edhe deri në 800 kalori dhe 170 gr sheqer mund të përmbajnë pijet me kafeinë, ndërsa janë të mbushura me kafeinë, e cila në sasi të mëdha mund të shkaktojë probleme siç është aritmia e zemrës.

Uji mineral i gazuar 
 Edhe pse i shëndetshëm në sasi mesatare, konsumimi i tepërt i ujit të gazuar mund të shkaktojë dëmtim të veshkave për shkak të përqindjes së lartë të natriumit.

Uji me aromë 
 Edhe pse pohojnë që përmban vitamina dhe minerale dhe se nuk përmban sheqer të shtuar, uji me aromë artificiale përmban sasi të mëdha të ëmbëltuesve artificialë, të cilët e hapin oreksin dhe nxisin ndjenjën e urisë.

Pijet energjike 
 Përveç që përmbajnë doza të mëdha të sheqerit dhe kafeinës, është dëshmuar që konsumimi i shpeshtë i pijeve energjike e rrit edhe rrezikun nga shtypja e lartë e gjakut.

Pijet e rënda alkoolike 
 Për dallim nga vera dhe birra, pijet e rënda alkoolike përmbajnë edhe trefish më shumë sheqer, për shkak të të cilit edhe rritet rreziku nga mbipesha dhe sëmundjet e zemrës.

Pijet sportive 
 Lëngjet e ndryshme të pasuruara me shtim të mineraleve dhe elektroliteve, janë të mira pas ushtrimeve fizike, në të cilat janë humbur shumë lëngje, por përmbajnë sasi të mëdha të sheqerit dhe mjete për konservim dhe nuk rekomandohet që të konsumohen për çdo ditë.

No comments :

Post a Comment