Udhëtari shtyn 300 herë biletën, për të ngrënë 1 vit falas në aeroport

KINE - Një udhëtar ka ngrënë drekë për një vit të tërë falas vetëm me një biletë të blerë.

Ai ka ngrënë çdo ditë drekën e ofruar nga China Eastern Airlines, duke blerë vetëm një biletë të klasit të parë në aeroportin, Shanxit, Kinë.

Ai është zbuluar nga kompania ajrore, sepse shtynte çdo ditë rezervimin e biletës.

Kjo gjë filloi t’i bënte përshtypje kompanisë, e cila nisi hetimet ndaj udhëtarit, ku dhe zbuloi gjithçka.

Por kjo gjë nuk e ka rënduar ekonomikisht kompaninë ajrore, e cila ndihet më shumë e fyer nga mashtrimi.

Dhoma e pritjes për udhëtarët e klasit të parë në aeroport dihet se është shumë e mirë me të gjitha kushtet, mund të hahet çfarë të dëshirojë zemra, të pihen të gjitha llojet e pijeve dhe të gjitha janë falas, në “Xi’an airport”, në zemër të Kinës.

Kjo gjë i pëlqeu aq shumë klientit, sa vendosi, që të vinte çdo ditë, për një vit të tërë rresht.

Burimi: AlbNews