facebookgoogle plusrss feedmesazh

Interpretim i ëndrave AI

Interpretim i ëndrave AI
Ëndra jote ka mesazh

19 April 2013

"Malware" përhapen në internet përmes temës: Boston marathon...


Vetëm pak orë pas shpërthimit të dy bombave në maratonën e Bostonit, filluan të përhapeshin në internet "fushatat me malware". Këto janë një lloj "virusesh" kompjuterikë me anë të së cilëve njerëz të paligjshëm nga mbarë bota mund të shfrytëzojnë në mënyrë lolegale të dhënat ose kompjuterin tuaj. Prandaj nëse lexoni diçka me: "See Boston tragedies Video", "Boston secret", "Boston marathon here.." etj. Të jeni të kujdesshëm dhe mos i klikoni.
Sipas firmës rumune të antivirusëve Bitdefender, fjalët kyçe si "marathon," "Boston" dhe "explosion" filluan të përhapeshin me shpejtësi në rreshtat e subjektit në e-maile.

Ata vlerësuan se një në pesë mesazhe spam gjatë orëve pas shpërthimit dhe në ditët pas tij, i referoheshin pikërisht kësaj ngjarjeje.

Përdorimi i lajmeve të fundit nuk është praktikë e re për scammer-ët. Muajin e kaluar, ata përdorën dorëheqjen e Papës si karrem për të mashtruar njerëzit.

Gjatë kësaj jave, ata kishin krijuar e-maile edhe më të besueshme si për shembull: “Shihni shpërthimin në Boston në video” apo “Ja çfarë ndodhi pas shpërthimit në Maratonën e Bostonit.”

Duke klikuar këto e-maile, përdoruesit binin viktimë e sulmeve, me çka i infektojnë kompjuterët e tyre me viruse. Pasojat nga kjo mund të jenë ngadalësimi i kompjuterit, fshirja e të dhënave dhe deri edhe te bllokimi.

Sipas Bitdefender, e-mailet përmbanin linqe që i drejtonin përdoruesit në faqe dashakeqëse, URL-të e së cilave përfundonin me "news.html" dhe "boston.html."

Pasi klikoheshin, linqet i çonin përdoruesit tek një faqe të ngjashme me YouTube, e cila shfaqte video nga shpërthimi i bombave.
Vetëm pas disa sekondash, aktivizohej një skedar i ekzekutueshëm dhe "malware" instalohej në kompjuterin e viktimave.

Bitdefender e identifikoi "malware-n" si Trojan.GenericKDZ.14575, i njëjti që infektoi vizitorët që aksesuan së fundmi uebfaqen e NBC.

Pas intalimit, ai vjedh llogaritë dhe fjalëkalimet që përdoruesit përdorin, direkt nga shfletuesi.

Ai monitoron gjithashtu edhe trafikun e kompjuterit të infektuar dhe mund të përdoret për të vjedhur portofolët Bitcoin, për të dërguar e-maile apo për të shkarkuar "malware" të tjerë. (PCWorld Albanian)

No comments :

Post a Comment