Ylli i filmit “Harry Potter” Rupert Grint vazhdimisht ngatërrohet me këngëtarin britanik Ed Sheeran. Aktori ka thënë se flokët e kuqe dhe zëri i tij hutojnë njerëzit veçanërisht pasi fitoi një rol në spotin e Edit për këngën “Lego House” dy vjet më parë. “[A ngatërrohemi?] Po, natyrisht. Madje shumë. Njerëzit hutohen gjatë gjithë kohës.
Një herë isha duke shikuar Formula 1 dhe Leo Sayer ishte aty. Në ato momente ai më ngatërroi sepse më tha se sa shumë e pëlqente muzikën time”, ka thënë Grint.
Aktori 25-vjeçar pranoi se në ato çaste u shtir sikur ishte Edi, për t`iu shmangur turpit. “Ai ishte shumë i bindur se unë isha Edi. Kështu që aktrova për pjesën e mbetur”.
Derisa Edi është bërë i famshëm për aftësitë e tij me kitarë, Rupert ka pranuar se e ka pasur vështirë të luajë në këtë instrument në rolin e tij si punk-rokeri Cheetah, në filmin e rij “CBGB”.
“Nuk di të luaj në kitarë, prandaj më është dashur të shtirem, por kjo nuk ka pasur rëndësi. Grupi ‘Dead Boys’ ishin të dështuar sepse kanë marrë shumë drogë, kështu që nuk kam pasur nevojë që të luaj mirë në atë instrument”.
No comments :
Post a Comment