Cristiano Ronaldo ka përhapur spekulimet se ai dhe e dashura e tij Irina Shayk janë martuar në një ceremoni sekrete kur ai iu referua asaj si “gruaja ime” gjatë fjalimit të tij për pranimin e çmimit Topin e Artë.
28-vjeçari ishte i shoqëruar nga modelja ruse, 28, dhe djali i tij trevjeçar Cristiano Junior derisa ai pranoi çmimin për Lojtarin më të mirë të vitit. I gëzuar me çmimin që mori, Ronaldo nuk mund t`i kontrollonte emocionet e tij pasi filloi të qajë para djalit të tij, transmeton Koha.net.
Gjatë fjalimit të tij, Ronaldo ka thënë: “Fillimisht më duhet të falënderoj shokët e mi të klubit dhe të kombëtares. Pa ndihmën e tyre kjo arritje do të ishte e pamundur. Jam shumë i lumtur sepse është e vështirë për ta fituar këtë çmim”.
“Më duhet të falënderoj të gjithë ata që janë të përfshirë në këtë çmim. Gruan time, shokët e mi, djalin tim. Është një moment i veçantë”.
Ronaldo u nderua me çmimin Topi i Artë pasi shënoi 66 gola në 56 paraqitje për klubin dhe Portugalinë gjatë vitit 2013. Ai këtë çmim për herë të parë e kishte fituar në vitin 2008 sa ishte lojtar i Manchester United.
No comments :
Post a Comment