facebookgoogle plusrss feedmesazh

Interpretim i ëndrave AI

Interpretim i ëndrave AI
Ëndra jote ka mesazh

28 January 2014

Aurela Gaçe heq dorë nga "The Voice"

Të shtunën në mbrëmje në një prej lokaleve ku Aurela Gaçe performon live deklaroj që nuk do të jetë më pjesë e “The Voice Albania”.
 Unë dua ta argëtoj publikun dhe nuk jam mësuar të shoh njerëz që qajnë dhe trishtohen prej meje”, kjo ishte deklarata e Aurelës e cila e ndau me publikun që po argëtonte me performancës e saj live.

“Ndaj sot unë u them juve që nuk do të jem më pjesë e “The Voice Albania sepse dua vetëm t`ju argëtoj”.

Aurela Gaçe ishte pjesë e jurisë së audicionit të këngëtarëve të rinj dhe të talentuar “The Voice Albania 3”. Në fillim të janarit ajo publikoi një shënim në profilin e saj Facebook ku sqaronte pakënaqësinë e saj ndaj audicionit për mënyrën se si ndihej kur duhet të vendoste votën e saj për të hequr konkurrentët.

Ndër të tjera ajo cilëson në këtë shënim “nga ana njerëzore e humane unë jam duke e përjetuar këtë më shumë nga ç'mund t`a imagjinoja.....do ta kisha pak më lehtë nëse me votat e publikut do të largohej dikush nga gara”.

Në momentin e përzgjedhjes mes dy konkurrentëve të fortë ajo gjatë audicionit të “The Voice 3” deklaroi “në më pafshi më në këtë karrige”. Për këtë fjali ajo jep arsyet e saj duke thënë “e thashë për një arsye që nuk e kisha menduar përpara se ta provoja.

Ti i jep dikujt këshilla se si të përdorë zërin, si ta zbërthejë këngën, si të paraqitet sa më mirë në skenë, dhe......vjen një moment i keq kur ti duhet të zgjedhësh mes atij e dikujt tjetër”, tha ajo në shënimin e saj në Facebook.

Aurela performoi në skenën e një prej lokaleve në Tiranë ku me këngët dhe energjinë e saj të jashtëzakonshme i përçoi publikut emocione të forta. Si gjithmonë, Aurelën në skenë nuk na ndodh ta shohim me një look të njëjtë.

Kësaj rradhe ajo kishte preferuar t`i stilonte flokët kaçurela nga stilista Lili dhe kishte veshur një kostum të bardhë nga stilisti Joni Peci të cilët ajo i falenderoj. Gjithashtu ajo deklaroi që do të kalojë një periudhë pauze, ndaj ka zgjedhur Tailandën si vendin ku do të relaksohet për disa ditë. Udhëtimin e saj ajo do e bëj vetëm me burrin, Skerdin. Ndërkohë, tha që vajzën nuk do ta merte në këtë pushim të saj. 

Burimi: Telegrafi

No comments :

Post a Comment