18 January 2014

Shtëpia e cunamit

 Zyra e arkitekturës "Designs Northwest Architects" ka ndërtuar "shtëpinë e cunamit” në ShBA e cila mund t’iu rezistojë kushteve më të këqija atmosferike -  erërave të fuqishme, shtrëngatave e madje edhe cunamit. 

"Shtëpia e cunamit” është ndërtuar në shtetin amerikan Washington në rajonin e ujdhesës  Kamano e cila përfshihet shpesh nga vërshimet. 


Kati përdhes i quajtur “dhoma e vërshimeve” është një hapësirë me shumë destinime e ngritur me mure që mund të ndahen në rast të cunamit duke i lënë katet tjera të epërme  të paprekura. 

Ky objekt është i vendosur në ishull dhe ka dy kate e nën kulmin si dhe themelet e larta 1,5 metra të projektuar për t’iu bërë ballë valëve të cunamit me forcë dhe shpejtësi të madhe.

Hapësira kryesore për jetesë është në katin e dytë e aty shkohet përmes shkallëve të fuqishme nga çeliku me pllaka të ngushtuara.

Kati ka banjën, kuzhinën, dhomën e gjumit. Edhe në nën kulm gjendet një dhomë tjetër gjumi. 

Dekori është shumë industrial: xham, dru e beton.

No comments :

Post a Comment