Pasi ka rrëfyer se i është nënshtruar mastektomisë, për të parandaluar rrezikun e zhvillimit të kancerit të gjirit, Angelina Jolie i është rikthyer punës dhe ditët e fundit është fotografuar ngë Hawaii.
Aktorja 38-vjeçare është shfaqur në formë të mirë fizike, e veshur me një kanatiere transparente, pantallona të zeza të lehta dhe kapele me strehë të gjerë. E vetmja shenjë që mund ta “tradhtojë” Jolie për operacionin që i’u nënshtrua në 20 Prill, ishin disa viza tek sqetullat, të krijuara gjatë kirurgjisë rikonstruktive.
Angelina, nënë e gjashtë fëmijëve ndodhet në ishullin Oahu për xhirimet e filmit të saj të fundit, “Unbroken”, i bazuar në romanin e Laura Hillenbrand. Filmi tregon historinë e një atleti olimpik dhe heroi lufte Louis Zamperini, i cili arriti të mbijetonte në një trap për 47 ditë gjatë Luftës së Dytë Botërore dhe më pas u kap rob nga Marina japoneze.
Jolie shoqërohet nga fëmijët Maddox e Pax, e pas pak ditësh do të vijnë në ishull i fejuari Brad Pitt dhe katër fëmijët e tjerë. Familja do të qëndrojë në ishull për 8 javë që pritet të zgjasin xhirimet.
No comments :
Post a Comment