Ditëlindja e Michelle Obamas nuk kaloi siç pritej, nën tingujt e muzikës dhe në një atmosferë festive, por mes një situate tepër të tensionuar dhe me një deklaratë bombë në lidhje me shkurorëzimin e presidentit Obama me gruan e tij.
Zonja e Parë amerikane gjatë festës së 50-vjetorit është shprehur: “Do qëndroj me Barack Obaman deri në fund të mandatit”.
Sipas artikujve në tabloidët amerikanë, thuhet se ata janë në krizë dhe Michelle do të qëndrojë përkrah Obamas deri sa ai të mbarojë mandatin presidencial. Më pas, ajo do të jetojë në Uashington me dy vajzat ndërsa ai do të kthehet në Havai, ku është rritur.
Përtej paraqitjeve “të lumtura” publike, çifti presidencial më i fuqishëm i botës thuhet se po has probleme të forta bashkëjetese.
Nën titullin “Bomba e shkurorëzimit të Obamas”, gazeta “National Enquirer” shkruan se martesa e tyre 21-vjeçare është tretur nga grindjet e vazhdueshme që janë ndezur që në memorialin e Mandelës, ku xhelozia e Michelle nuk mundi të fshihej, dhe akoma më keq nga zbulimi se truprojat e shërbimeve sekrete amerikane kishin “mbuluar” mosbesnikërinë e Obamas ndaj saj.
Shtëpia e Bardhë ka refuzuar të komentojë. Edhe mediat në Uashington nuk i janë vënë pas këtij lajmi. Sipas “Enquirer”, Michelle ka në plan të qëndrojë përkrah bashkëshortit të saj deri në fund të Presidencës.
Për momentin thuhet se ata po flenë në dhoma të ndara, pasi që për Krishtlindje ishin grindur aq keq në Havai, sa ai u kthye në Uashington me dy vajzat e tyre, duke e lënë gruan pas.
“The National Enquirer” njihet si burimi më i besueshëm i lajmeve të skandaleve. Por, nëse edhe kësaj radhe zërat janë të vërtetë, për çiftin presidencial amerikan nuk konsiderohet një eksperiencë e re.
No comments :
Post a Comment