Microsoft do të lansojë orë inteligjente në vitin 2014

Me sa duket Microsoft është afër kompletimit të një ore inteligjente me markën Surface.

Burimet brenda kompanisë me bazë në Redmond, thanë se prototipi i orës inteligjente është duke u testuar nga disa punonjës të Microsoft.

Të njëjtat burime treguan se ora do të jetë në dispozicion në ngjyra të ndryshme (të kuqe, të verdhë, të zezë, gri, të bardhë dhe blu) dhe do të bëhet nga Alumini Oxynitride. Oxynitride është 80% transparente dhe është katër herë më e fortë se sa xhami.

Ora inteligjente thuhet se do të vijë me një version të përshtatur të Windows 8 dhe që mund të përdoret e pavarur nga një telefon inteligjent.

Lajmet e orës Surface vijnë në të njëjtën ditë me lajmet rreth orës inteligjente iWatch të Apple. Sipas një raporti të ri, Apple është duke punësuar inxhinierë për të punuar në orën e saj inteligjente.

Është përfolur se orët inteligjente nga Apple dhe Microsoft, do të dalin në treg në fund të vitit të ardhshëm.